actually, matagal na.

bago pa sya magising sa realisasyon ng kanyang pagka bente kwatrong taon na pamamalagi sa mundo. bago pa nya ipadinig sakin ang kanyang "unreleased" na solo effort na makabagbag damdaming pinamagatang, err, "untitled", na ayon sa kanya ay ang kanyang wedding song, bago pa dun, nakagawa na ng bagong websayt ang mala-pamosong "guitarist with mystique" ng grupong candyaudioline na mas kilala sa palayaw na ralphot.

sa bagong updeyt ng kanyang websayt, na dumodoble bilang online portfolio at naging cool site of the week ng coolhomepages.com, masasampolan ang manonood sa likas na angas sa flash design, animation, at sa pangkalahatang pagdevelop ng websayt. ang buong site ay gawa sa flash kaya baka matagalan ang loading time para sa may hindi gaanong mabilis na koneksyon. pero masusulit naman ang paghihintay mo kunsaka-sakali. mabilis ang aksyon. at punong puno ng laman (may sense man o wala. kung ano ang saysay ng ibang mga seksyon dun ay si ralphot na lang ang makakapagpaliwanag). click dito... swooosh! whoa, ang bilis nun a! lipad lipad ang gitara at la mesa... click pa... swooooosh! puta, si ralphot un a! biglang nawawala!

makikita sa disensyo ang marahil malakas na impluwensya ng japanese design sa kanyang gawa (hmm, dahil kaya may japanese characters?) pati ang kanyang musical background (dahil kaya sa selpong tumutugtog?). nakakapanghinayang lang at hindi pa kumpleto ang "my music" section, nawa't kuhang kuha pa naman ang pagkakaposing nyang ala keith richards. hehehe.

wag makakalimutang bisitahin ang credits section, ang isa sa mga haylayts ng websayt na ito. bakit? ewan ko. nakakatawa ang ibang dialogue e. saan? click mo to, www.ralphot.com