ang pinakaunang sinetaktakan ngayong taon ay gaganapin sa feb 25(wednesday) sa CCP little theatre mula 9am hanggang 12noon. ang sine taktakan ay isang collaborative documentary cum open forum kung saan tatalakayin ang mga "most pressing film, broadcast and media issues." para sa buwan na ito, ang topic ay: "POLITICS AND PINOY MEDIA." ang event na ito ay libre kaya inaanyayahan lahat ng interesado na dumalo. siempre pa, anong saysay ng pakikipagtalakayan kung walang libreng kape mula sa figaro?

etc...
pagdating naman ng alas 7 kinagabihan ay ang premiere ng video documentary ni egay navarro tungkol sa visual/performance artist at shaman na si roberto villanueva. magpeperform din sina kauayan de guia at ang pinikpikan band.

etc... etc...
binabasa ko ngayon ang "barriotic punk" ni mes de guzman (mas kilala bilang direktor ng short na "batang trapo"), isang koleksyon ng maiikling kwentong naisulat ni mes. pagbuklat sa mga unang pahina, kapansin pansin ang pagkadalubhasa niya sa wikang tagalog, o mas bagay siguro ung label na "modernong tagalog." nakakatuwa ang insidente sa isang kwento na kung saan ang pangunahing karakter ay nagbabayad ng 2 piso bilang pamasahe sa jeep. naalala ko lang yung panahon na ako ay hayskul pa lang at naisip na ang dami na nga ang nagbago simula noon...

etc... etc... etc...
habang umiinit ang kampanya, nagiging walang puknat din ang pagbubuhat ng sariling bangko ng pangulong GMA. at ngayon pa't nabigyan sya ng award ng isang UN food body... tsk tsk.